കാരുണ്യവർഷം

അനാദ്യന്ത പ്രവാഹത്തിൽ

കയം പോൽ പുതുവത്സരം,

ഭയം നിറയ്ക്കെ,യർത്ഥിക്കാം

ദൈവമേ തുണയാകണേ!

അറ്റമില്ലാത്ത ആഴങ്ങൾ

പെറ്റുകൂട്ടുന്നു മൃത്യുവേ!

പുകയും തീയുമാകുന്നു

കാണ്മതേ  നാലു ദിക്കിലും

ഭീതി കൊത്തിവലിക്കുന്നു

സമീപം മൃത്യുകൂപമോ?

അഭയം തരികെങ്ങൾക്ക്

-മൃതിയിൽനിന്നു മോചനം!

         

സ്നേഹകാരുണ്യ പുണ്യത്തിൻ

വർഷമീ നവവത്സരം.

നന്മതൻ പൂക്കളാകട്ടെ,

ഇതിൻ സർവ്വദിനങ്ങളും!

അവയ്ക്കു ഫലമുണ്ടാകാ-

നനിശം കനിയേണമേ!

ലോലപക്ഷങ്ങളേ ഞങ്ങൾ-

ക്കാലംബം, കർമ്മവേദിയിൽ.

കർമ്മരംഗം ജ്വലിപ്പിക്കാ

നവയേ ശക്തമാക്കണേ!

കർത്തവ്യം പൂർത്തിയാകുമ്പോൾ

വിളിയ്ക്കും തൃപ്തമാനസം!

ലയിക്കാം പിന്നെ യാത്മാവാ-

യാകാശത്തിൻ പ്രശാന്തിയിൽ!

കാരുണ്യപുണ്യവർഷത്തി-

ലാശംസിക്കാം പരസ്പരം

നന്മചെയ്തു വരിച്ചാലും

സൽ‌പ്പേരും സ്ഥിരമോക്ഷവും.

കൃപാലയ കവാടങ്ങൾ

തുറന്നിട്ടുണ്ടു്,സാദരം

അതിലൂടെ കടന്നെന്നാ-

ലനശ്വരത കൈവരും!

       ---*---        05 0116

`

പുതുവത്സരം

അനാദിയാദികാലത്തു്ഞാനോ നീയോ നിനച്ചുവോ,
ശലഭച്ചിറകുംവീശിജനിക്കും നമ്മളൂഴിയിൽതേനും പൂമ്പൊടിയും സ്വപ്നംകണ്ടുമുണ്ടും സ്വദിക്കുവാൻ,
മാത്രകൾക്കൊണ്ടു ദൌത്യങ്ങൾപൂർത്തിയാക്കി മടങ്ങുവാൻ.
 കുറിച്ചിട്ടുണ്ടകത്താളിൽധർമ്മാധർമ്മവിചിന്തനം:
വാനിലും ഭൂവിലും പുത്തൻഭാവുകങ്ങൾ വിതയ്ക്കുക.
മരം പൂക്കുന്ന രോമാഞ്ചംതിരിച്ചേകുക ഭൂമിയിൽ.

പൂക്കൾ കായുകളാവട്ടെ,
പാകമാകട്ടെ വിത്തുകൾ.
വിത്തുപൊട്ടി മുളയ്ക്കട്ടെവളരട്ടെ തളിർപ്പുകൾ.
ഇതേ ചക്രം കറുങ്ങുമ്പോ-
ളതേ നമ്മുടെ ധന്യത!
 ലയിക്കാം പിന്നെ യാത്മാവാ-
യാകാശത്തിൻ പ്രശാന്തിയിൽ!
ആകാശം തറവാടാണു്ഐശ്വര്യാനന്ദസാഗരം!
അനാദ്യന്ത പ്രവാഹത്തിൻകണമായ് പുതുവത്സരംഉദിച്ചുനിൽക്കെയർത്ഥിക്കാംപൂക്കളാകട്ടെ നാളുകൾ.
നന്മ തൻപുണ്യമേവർക്കു-
മാശംസിക്കാം പരസ്പരം!
         ----*----010116 

ജന്മദിനം

ജന്മദിനം

മഹത്വം പരമാത്മാവേ

ആകാശങ്ങളിലത്രയും!

നിന്റെസ്വത്വം ഭവിച്ചല്ലോ

മർത്യനായ് യുഗസന്ധിയിൽ!

അല്ലാഹുവേ മഹാത്മാവേ

മഹത്വം; വിണ്ണിലൊക്കെയും!

നിന്റെ സൃഷ്ടി വളർന്നല്ലോ

നരനായ് കാല വേദിയിൽ!

മഹത്വം;ദൈവമേ,അങ്ങേ-

യ്ക്കാകാശങ്ങളി,ലാകെയും!

നിന്റെ പുത്രൻ ജനിച്ചല്ലോ

മർത്യനായ് കാലസന്ധിയിൽ!

കാമമോഹിത ഭാരത്താൽ

പണ്ടേ വീണു തളർന്നവർ

ഞങ്ങൾക്കാലാംബ,മായീടാൻ

ത്യാഗത്തിൻ പൂർണ്ണ കോടിയിൽ

മർത്യജന്മം പ്രഘോഷിക്കു-

മിദ്ദിനം സത്യപൂരിതം!

ഒരു കുഞ്ഞു ജനിക്കുമ്പോൾ

ജനിക്കുന്നതൊരീശ്വരൻ!

കാമചുംബനസർപ്പത്തിൻ

ദംശനമൊഴിവാക്കണേ!

സ്നേഹചുംബന പുണ്യത്തിൻ

ലയമെന്നും പുലർത്തണേ!

ഇതോർത്തു ഹൃദയം തൊട്ടു

നമിക്കാ,മപ്പദങ്ങളിൽ!

നവവർഷം വിടുർത്തട്ടെ

പൂക്കളായി  ദിനങ്ങളെ!

അവയേകും സുഗന്ധത്താൽ

ഹൃദ്യമാകട്ടെ ജീവിതം!

        ----*----

സംതൃപ്തി

സംതൃപ്തി

സ്നേഹം സംതൃപ്തിയാകുന്നു

തൃപ്തിയാകുന്നു പൂർണ്ണത!

പരിപൂർണ്ണത തൻ വീട്ടി-

ലില്ല വേദന; ദുഃഖവും!

ഒരിയ്ക്കൽ നമ്മ,ളൊന്നിയ്ക്കും

അവിടെപ്പൂർണ്ണ ശാന്തിയിൽ!

ഭുജിയ്ക്കും പരമാനന്ദ-

മളവില്ലാതെ സുസ്ഥിരം!

സംതൃപ്തി

സംതൃപ്തി

സ്നേഹം സംതൃപ്തിയാകുന്നു

തൃപ്തിയാകുന്നു പൂർണ്ണത!

പരിപൂർണ്ണത തൻ വീട്ടി-

ലില്ല വേദന; ദുഃഖവും!

ഒരിയ്ക്കൽ നമ്മ,ളൊന്നിയ്ക്കും

അവിടെപ്പൂർണ്ണ ശാന്തിയിൽ!

ഭുജിയ്ക്കും പരമാനന്ദ-

മളവില്ലാതെ സുസ്ഥിരം!

ഓട്ടം

നിരന്തം കാല വാനത്തിൽ പൊരി പോലൊരു ജീവിതം, പോരടിച്ചു തുലയ്ക്കാതെ മരണം വരെ,യോടുക! ചിരശാന്തി സ്വരൂപത്തിൽ നിരാമയ,മിരിക്കുക! സർവ്വതും സ്വന്തമാണപ്പോൾ താൻതന്നെ,യഖിലേശ്വരൻ!

മെഴുകുതിരി തീരുന്നു

എരിഞ്ഞു തീരുന്നു നിരാരവം മെഴു- തിരി,യേകാന്തനിരതമീ മേശമേൽ! ഇരുൾ വലയങ്ങളകറ്റി നിർത്തിയു- മിരുണ്ട ശീലക,ളഴിച്ചു മാറ്റിയും നിഴ,ലുരഗങ്ങൾ വിഷം പരത്തുവാ- നിഴഞ്ഞുകേറാതെ ഗതി തിരുത്തിയും, വരുന്ന കാറ്റിന്റെ ചിറകു തട്ടാതെ ചെരിഞ്ഞു മാറിയു,മുണർന്നു കത്തിയും ജ്വലിച്ചെരിഞ്ഞൊരീ സമയമത്രയു- മലിഞ്ഞു തീർന്നിനി കടന്നു പോകണം! തിരിഞ്ഞുനോക്കിയാ,ലെവിടെനിന്നുമെൻ ശരീരസിദ്ധിയും, ജ്വലനശക്തിയും? പ്രപഞ്ചനാടകം നയിച്ചിടും മഹാ- നൃപന്റെ കൈവിരൽ നൊടിച്ച മാത്രയിൽ, ഋതുക്കൾ വേഷങ്ങളഴിച്ചു കാലിക ഗതി മാറ്റീ; വന്നു വസന്തമൂഴിയിൽ! പരുത്തി പൂവിട്ടു പരാഗരേണുക്കൾ വിരുന്നൊരുക്കി തൻമലരുകൾ തോറും ശലഭങ്ങൾ നിറം പകർന്നു ഘോഷിച്ചു പുലരിതൊട്ടേ ദിവസം മുഴുവനും. മദിച്ചുനിന്നൊരാ സുഭിക്ഷമാത്രക- ളദമ്യ നീതിക,ളടർത്തിമാറ്റവേ, ദളം പൊഴിഞ്ഞു,കായ് വളർന്നുണങ്ങി മ- ദ്ദളംകൊട്ടിച്ചാടി പറന്നു നൂൽപ്പഞ്ഞി. പരാഗം പങ്കിട്ടു മെഴുകും തേനും നൂ- റ്റൊരുക്കി വച്ചതു,മതേ തേനീച്ചകൾ! മെഴുകുകൊണ്ടൊരു മനോഹരസ്തംഭ- മെഴുന്നതിൻ ഹൃത്തി,ലൊരാത്മതന്തുവും! മുളച്ചു തൻ തുമ്പ,ത്തൊരഗ്നിനാളവും തെളിഞ്ഞു നിൽക്കയാ,ണതുമുതൽക്കുഞാൻ! എരിഞ്ഞു തീരുന്നേൻ തുടങ്ങിയിട്ടാകെ ഒരുമണിക്കൂറോ; കഴിഞ്ഞു ജീവിതം! അകത്തു കത്തിയ ചരടുചായുന്നു പുകയായ് മാറീടു,ന്നവസാനകണം! സുഗന്ധമിത്തിരി പരന്നുവോ,ചുറ്റും ദിഗന്ധ,മാസുഖം സ്വദിച്ചു നിന്നുവോ? തുറന്ന തൻ മണിയറയിൽ നിന്നുമോ നിറഞ്ഞൊഴുകും പരിമളവീചികൾ? അവിടമെങ്ങനെ പരമസൌഭാഗ്യ ഭവനമോ,ചിരമഭയസ്ഥാനമോ? മറഞ്ഞ ദീപമേ നിജസ്ഥിതിയിനി അറിവതെങ്ങനെ,യരുളുക വഴി അവിടെയോ സത്യ,മമൃതജീവിത- ഛവി വിടുർന്നീടു,മനശ്വരാങ്കണം? അവിടെയോ ചാടിക്കളിച്ചു നിത്യത നിമിഷമാകുന്ന നിതാന്തവിസ്മയം! -----*----- അബ്രാഹം മൂഴൂർ, നെല്ലിക്കുന്നേൽ,മുത്തോലി.പി.ഒ.കോട്ടയം -686573