2012, ഫെബ്രുവരി 17, വെള്ളിയാഴ്ച
ഒരു
നിശ്ശബ്ദാഭിമുഖം
-10-
അന്ത്യം കണ്ടവനാരുണ്ടീ
ഞാനാണാദിയു,മന്തവും(4)!
ത്യജിച്ചീടട്ടെ,ദൈവത്തിൻ
ജനമെന്നുള്ള മിഥ്യയെ!
സ്വീകരിക്കുന്നു ദൈവത്തിൻ
ജനമെന്നുള്ള സത്യവും,
വിശ്വാത്മാവായ ദൈവത്തിൻ
മക്കൾ സർവ്വരുമാകയാൽ!
സ്വർഗ്ഗസ്ഥനായ ദൈവത്തെ
നിരസിക്കുന്നതാരവൻ?
ആകാശത്തിലെ ദൈവത്തെ
സ്വീകരിക്കുന്ന ഞാനവൻ!
ഞാനാരെന്നോ,വെറും മർത്യൻ
വിശ്വ സാഗരമാലയിൽ
അലയും ചെറു നീർപ്പോള
നിമിഷാസ്ഥിത്വമുള്ളവൻ!
അന്നേരവും പ്രപഞ്ചത്തിൻ
സത്തയെന്നറിയുന്നവൻ!
ശൂന്യം ഞാനെങ്കിലീ വിശ്വം
ശൂന്യമെന്നറിയുന്നവൻ!
ഞാനില്ലെന്നാകി,ലില്ലല്ലോ,
കൃഷ്ണൻ,യേശു, മുഹമ്മദും
ഞാനില്ലെന്നാകി,ലില്ലല്ലോ
ദൈവവും ദേവ വൃന്ദവും!
---------------------
(4)ഗ്നോ.ബൈ-മനസ്സിന്റെ മുഴക്കം:131/7
------------------------തുടരും
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ